Love Poetry SMS messages

Baaton baton mein

Baaton baton mein bicharnay ka ishara ker k
Khud bhi roya woh bohut hum say kinara ker k

Sochta rehta hon tanhai mein Anjam-e-Khuloos
Phir usi jurm-e-mohabbat ko dobarah ker k

Jagmaga di hain teray shehar ki galiyan mein nay
Apnay her ashk ko palkon pay sitara ker kay

Daikh laitay hain chalo hosla apnay dil ka
Aur kuch rooz teray sath guzara ker k

Aik hi shehar mein rehna magar milna nahin
Daikhtay hain yeh aziat gawara ker k

kaha usny

kaha usny,"zamana dard ha aur tum dawa jsy"
laga,"tumsy mohabbat ha"mujy usny kaha jsy...

talab ki usny jab mujsy mohabbat ki wazahat to
bataya dasht k honton py barish ki dua jesy.......

suno,"kio dil ki basti ki taraf sy shor uthta ha?"
bataya,"hadsa ahsas k ghar mei hua jesy"........

kaho ay gul,"kbhi khusboo ka tumny aks dekha ha?"
kaha,"qos-e-qazah k sary rangon ki sada jesy'.......

bhala tum rooh ki in kirchion mein dhondty kia ho?
kaha,"ye itni roshan hen k sooraj ha diya jesy"......

suno,"aankhon hi aankhon ka bayan ksa laga tumko?"
laga,"phoolon sy sargoshi si karti ho saba jesy"........!!

Teri yaad nay

Teri yaad nay meray dil ko saja rakha hai
teray pyar main sab ko bhula rakha hai

kuch acha nahin legta teri judai kay baad
ek teri yaad ko sinay say laga rakha hai

tera milna to abb aik khawab hi lagta hai
najanay abb kyoon dil ko bhula rakha hai

sab kuch lut gaya hamara teray pyar main
teri yaad ko palkoon main chupa rakha hai

muqadar say miltay hain bichar kay warna
ajj bhi tera naam dil main saja rakha hai

najanay koi nahin basta teray siva ankh main
aik teri tasveer ko dil main chupa rakha hai

Band Dareechy

Band Dareechy Sooni Galiyan,Un'dekhy Anjane Log!
Kis Nagri Mein Aa Nikly Hain,pagal Hum Deewane Log!
Ek Hum Hi Na'waqif Thehry,Roop Nagar Ki Galiyon Se!
Bhais Badal Kar Milny Wale,Sab Jaane Pehchane Log!
Shikwa Kya Aur Shikayt Kaisi? Aakhir Kuch Bunyad To Ho!
Tum Par Mera Haq Hi Kya Hai? Hum Thehry Begaane Log!
Shehar Kahan Khaali Rehta Hai,Yeh Darya Har Dum Behta Hai!
Aur Bohat Se Mil Jayenge,Hum Jaise Deewane Log!!!!!!!!

WAFA HAI ZAAT

Wo Aksar Mujh Se Kehti Thi..

"WAFA HAI ZAAT AURAT KI"

Magar Jo Mard Hote Hain"
Bohat Be-Dard Hote Hain"
Kisi Bhanwry Ki Sorat Gul Ki Khushbu Loot
Jate Hain"

Suno..!
Tum Ko Kasam Meri"
Riwayat Torr Dena Tum"
Na Tanha Chor K Jana"
Na Ye Dil Torr K Jana"

Magar Phir Yun Huwa
"Mohsin"

Mujhe Anjaan Raste Par"

Akela Chor Kar Usne"
Mera Dil Torr Kar Usne"

MUHABBAT
Chor Di Usne"

"WAFA HAI ZAAT AURAT KI"

Riwayat Torr Di Usne'

Samandar main

Samandar main utarta hoon tou aankhain bheeg jaati hain
teri aankhoun ko parhta hoon tou aankhain bheeg jaati hain

tumhaara naam likhney ki ijaazat chin gayi jub say
koi bhi lafz likhta hoon tou aankhain bheeg jaati hain

teri yaadoun ki khushboo khirkiyoun main raqs karti hay
teray gham main sulagta hoon tou aankhain bheeg jaati hain

main huns k jhail laita hoon judaayi ki sub hee rasmain
galey jub us k lagta hoon tou aankhain bheeg jaati hain

najaaney hogaya hoon isqadar hassaas main kub say
kisi say baat karta hoon tou aankhain bheeg jaati hain

woh sub guzrey huay lamhaat mujh ko yaad aatey hain
tumhaarey khut jo parhta hoon tou aankhain bheeg jaati hain

main saara din bohat masroof rehta hoon magar joonhi
qadam chaukhat pay rakhta hoon tou aankhain bheeg jaati hain

hur ik muflis k maathey par alam ki daastaanain hain
koi chehra bhi parhta hoon tou aankhain bheeg jaati hain

barey logoun k oonchey budnuma or sard mehloun ko
ghareeb aankhoun say takta hoon tou aankhain bheeg jaati hain

teray koochey say ab mera talluq waajibi sa hay
magar jub bhi guzarta hoon tou aankhain bheeg jaati hain

hazaaroun mausamoun ki hukmraani hay meray dil par
wasi main jub bhi hunsta hoon tou aankhain bheeg jaati hain!!!